Metroya yaxın yeni yaşayış kompleksi - “Xəzər İnşaatdan”dan
Hazırda yeni yaşayış kompleksləri inşa edən “Xəzər İnşaat XXI Əsr” şirkəti, mövcud layihələrinin tikintisini sürətlə aparmaqla bərabər, yeni layihələrə də start verir.
“Marja” xəbər verir ki, şirkətin növbəti yaşayış kompleksi layihəsi Neftçilər metro stansiyası yaxınlığında yerləşir.
Yeni “Neftçilər” layihəsi 1 bloklu, hər biri 16 mərtəbədən ibarət olan 4 binadan ibarətdir. Binaların 16-cı mərtəbəsi teras olacaq.
“Xəzər İnşaat” şirkətinin digər layihələrində olduğu kimi, “Neftçilər” layihəsində də mənzillər tam təmirli təhvil veriləcəkdir. Layihədə 1, 2 və 3 otaqlı mənzillər nəzərdə tutulub, müştərinin istəyinə görə layihədə dəyişiklik edilərək daha böyük mənzillər də etmək mümkündür.
Yaşayış kompleksi “Neftçilər” metrosuna 10 dəqiqə piyada məsafəsində yerləşir. “Sapfir” restoranı, “Xəzər” universiteti kompleksə çox yaxın məsafədədir. Yaxınlıqda 2 orta məktəb yerləşir.
Layihədə bağça da nəzərdə tutulub. Binaların birinci mərtəbəsində ticarət və iaşə obyektləri yerləşəcəkdir.
Mənzillərin satışı daxili manat krediti ilə həyata keçirilir. Nağd və ya minimum 30% ilkin ödənişlə, 36 ay müddətinə qədər ödəmə imkanı mövcuddur.
